إنشاء موضوع جديد
النتائج 1 إلى 6 من 6

الموضوع: قصة نجاح كريم إسماعيل

انا اسمى "كريم اسماعيل" عندى 24 سنة - بدأت حياتى بشغف وحب للعب الكورة - لعبت 15 سنة منهم 13 فى نادى الزمالك - كنت كابتن الفريق بتاعى خلال ال13

  1. مشاركه 1
    رقم العضوية : 9271
    تاريخ التسجيل : Nov 2017
    المشاركات: 11
    التقييم: 0
    العمل : شريك وممثل مستقل لشركة Plan B التعليمية المصرية
    الهوايه : الوصول للحرية المالية

    افتراضي قصة نجاح كريم إسماعيل

    إسماعيل 20915421_63479756672
    انا اسمى "كريم اسماعيل" عندى 24 سنة
    - بدأت حياتى بشغف وحب للعب الكورة
    - لعبت 15 سنة منهم 13 فى نادى الزمالك
    - كنت كابتن الفريق بتاعى خلال ال13 سنة
    - تم تصعيدى للفريق الأول فى وقت وجود المدرب الاجنبى "فييرا"
    - شاركت مع منتخب مصر بقيادة كابتن ربيع ياسين مواليد 1993
    - وسط كل ده كنت بحب الناس جداً وبحب اساعدهم وافرحهم
    - كنت بنزل الشارع أفرح الناس المكشرة وانا رايح التمرين واتصور معاهم وعملت lمبادرة اسمها "Happy selfie" وشارك فيها شباب كتير غيرى بعد كدا
    - كنت بحب الرسم فبدأت ارسم عشان ابقى فنان جنب الكورة
    - بعد كدا قولت لأ هعمل منتجات مصنوعة (crafts) وبدأت اعمل مشروعى ابيع فيه بوكيهات ورد وميداليات من عجينة السيراميك
    - بعدها حبيت الmarketing وقولت اتعلمه وشاركت فى انشطة طلابية
    - بعدها حبيت الmotivation وقررت اكون motivational speaker
    - كل ده لسه بلعب كورة
    - بدأت اطبق موضوع الMotivation مع زمايلى فى الفريق وكان فعلاً مؤثر
    - بدأت اطبقه مع اخوات صحابى اللى فى ثانوى ونجح
    - بدأت اجربه مع قرايبى اللى فى كليات نجح
    - بدأت اعمل محاضرات ب10 جنيه وكنت بدفع مع الحضور وساعات بكمل عليها من جيبى
    - ماحدش جيه بعد ما اصحابى خلصوا كلهم
    - نزلت اعمل sessions لناس اعرفهم مكانهم فمثلاً 2 فى الجامعة
    - تطورت .. لدرجة ان ملاقتش حد تانى فى الجامعة يسمع
    - عملت على الرصيف فى الدقى
    - وقفت فترة عشان اطور من نفسى عشان ناس اكتر تسمعنى
    - رجعت بsession محترم وبدأ ناس تيجى بنكلم فى 4 و 5 ساعات 10 وساعات 12
    - قررت اطور من نفسى واتعلم اكتر واعمل حاجة احسن
    - بدأ يجى 20 و 30
    - بدأ 40 و 50
    - ولسه بلعب كورة - بتمرن طول الإسبوع مرتين فى اليوم وبنلعب مباراة اسبوعية رسمية
    - يوم الأجازة اللى الناس بترتاح فيه انا كنت بدى المحاضرة
    - ساعات الراحة اللى لاعيبة بيريحوا فيها كنت بقعد اذاكر فيهم عشان احضر
    - بدأت اطور من المحتوى والمحاضرة لحد ما بقى ال50 مكان بيتحجزوا فى يومين او تلاتة
    - قابلت واحد عرض عليا محاضرة فيها 250 واحد . كان نفسى العدد ده يسمعنى
    - الراجل اتنك عليا لما حس انى محتاج ده .. كرامتى نقحت عليا
    - قولت هعمل انا لوحدى .. يلا هتعلم الموضوع بيتعمل ازاى
    - كلمت صحابى بتوع الأنشطة ولفينا على القاعات وحطينا استراتيجية اننا نعمل محاضرة هناك
    - المحاضرة اللى بقالى 6 شهور بحضر فيها ولسه ما خلصتش عشان النقلة الكبيرة
    - بدأت الخطوات واصحابى انشغلوا وبدأت اشيل الأمور كلها لوحدى
    - روحت طبعت 1000 تذكرة واحنا كان هدفنا 250 وختمتها واحدة واحدة
    - كنت انا فريق التسويق وانا فريق الsales وانا اللى برد على التليفونات والكومنتات (طبعاً كنت بغير صوتى شوية هاها)
    - بعد كل التحضير ده مابقاش فيه وقت اتمرن واخلص 7 ساعات تدريب وساعتين مواصلات ويتبقى عندى وقت للمذاكرة والتحضير والبيع والتسويق ومتابعة الحضور والتعليقات والتليفونات تقريباً كنت ما بنمش وبتحول لZOMBIE
    - قولت لازم اختار ابقى برنس فى حاجة واحدة الكورة full-time job (ده اللى ناس كتير ما تعرفوش) واللى انا بعمله ده full-time job لازم اختار
    - خدت القرار انا هسيب الكورة وهبقى محاضر
    - أهلى اترعبوا -- يابنى انت بقالك سنين مش بتدخل الامتحانات عشان الكورة
    - يابنى انت بتعمل ايه اصلاً موتيفيييشان مين يابو موتيفيشان هتشحت
    - سيبونى انا هسبتلكم انى بعمل حاجة بإذن الله
    - بطلت كورة - بطلت كورة - بطلت كورة بعد 15 سنة
    - Sometimes you have to learn to let go, and know that you can't have everything
    - كملت بيع وتسويق ومذاكرة وتحضير وحالف انى مش هحلم بال250 انا عايز القاعة كاملة مليانة
    - قبل المحاضرة بإسبوعين كان 1000 واحد حاجزين الكراسى كلها وزيادة وعندنا 650 واحد waiting list
    - فى رحلة المذاكرة دى كنت بكتشف ان الmotivation ده حتة من الكبسولة ولو اتحط لوحده هيبقى مش مفيد ونصباية لو قولنا للناس ان ده هيغير حياتكم
    - فبدأت اتعلم psychology و neuroscience الأجزاء الrelated to psychology
    - وقررت ان محاضراتى هتبقى 3 حاجات ( علم - وأدوات بمعنى خطوات عملية - تحفيز)
    - ونجحنا فى أول محاضرة الحمد لله ووالدى صدق انى بعمل حاجة وطلع وعيطنا على الstage سوى
    - بس ده مش كفاية what's next؟
    - دايماً بفكر فى اللى جاى واللى وصلتله مش كفاية وفى 1000 واحد لو ربنا اداهم نفس الفرصة كانوا ممكن يعملوا احسن منى .. قوم اتحرك!
    - عملت find yourself (المحاضرة كان اسمها كدا) كذا مرة فى اكتر من محافظة
    - وقررت ان كل سنة هعمل محاضرة جديدة وهتعلم اكتر عشان اضيف حاجة احسن
    - اشتغلت على نفسى وقولت هتعلم تعليم محترف ده شغلك دلوقتى بتتربح منه لازم تصرف عليه مش تكتفى بال,material المتاحة فى الكتب والنت
    - روحت خدت شهادة فى الlife coaching وتقريباً بقيت من اصغر 3 life coaches فى مصر
    - واشتغلت على محاضرة جديدة وقبل ماعملها بشهرين حاجتى كلها اتسرقت
    - عيدت بناءها من اول وجديد فى اقل من شهر ونص بمعدل 16 ساعة شغل فى اليوم وانا معيش فلوس اكل غير ساندوتش طعمية فى اليوم
    - المحاضرة نجحت Dreamcatcher
    - كان لازم نكبر مش كفياية كدا الوقت بيجرى عندك 22 سنة!
    - قررت اتعلم business اكتر عشان انا فاتح شركة انا مش بس محاضر
    - روحت بقيت certified business and career coach من الICF ودى كان اول مرة تحصل فى مصر فنقدر نقول انى اصغر certified business and career coach
    - بس المحاضرات لوحدها مش كفاية فين التقدم
    - بدأت اعمل workshops بcoachفيها public speakers انهم يبقوا public speakers محترفين
    - وبدأت اعمل startups coaching
    - بدأت امارس الlife and career coaching اكتر
    -الرحلة مش هتنتهى!
    - كان لازم يحصل تقدم فى المحاضرات - هو احنا بنعمل كل حاجة ليه؟
    - ده كان السؤال خرجت منه بإننا كلنا نفسنا نوصل للسعادة ورضا ربنا والجنة فيلا!
    - بدأت خلال السنتين اللى فاتوا ادرس السعادة واكشتفت انه اصبح علم معترف بيه عالمياً من خلال الpositive psychology
    - وقررت اعمل المحاضرة ان شاء الله السنة دى يوم 9-9 فى اسكندرية والقاهرة ان شاء الله فى نفس الشهر
    - انهاردة نقدر نقول ان الشاب اللى اتقاله هضيع نفسك مش هتلاقى تاكل!
    - لف ودخل جميع جامعات مصر (القاهرة - عين شمس - حلوان - GUC - BUE - AUC - MUST - MSA - ELSHOROUK )
    - اتعامل مع شركات Multinational و international
    - والرحلة مش هتقف هنا لسه لازم يحصل تطور ولازم يحصل تجديد ولازم الواحد يفضل يتعلم ويعلم ويفيد الناس بإذن الله
    الخلاصة!
    مفيش حاجة بتحصل مرة واحدة
    مفيش حد بينجح من يوم وليلة
    مفيش نجاح سهل فى تحديات كتير ومصايب كتير فى النص حصلت ماقدرتش احكيها
    مفيش حاجة اسمها لازم تمشى زى ما المجتمع شايف
    مفيش حاجة اسمها مفيش حد بيعمل اللى بتعمله ياعم روح شوف حاجة معروفة
    مفيش حاجة اسمها فشل إلا للى بطل يشتغل ويحاول
    لازم تبدأ تفكر انت هنا ليه
    لازم تعرف انك لما توصل لحاجة وتشتغل عليها هتعمل حاجة بس انت تدور تتعب وتشتغل
    انا مش انجح واحد على الكوكب
    انا مش بحكيلك ده عشان اقولك انى برنس الجيل
    انا بقولك ده عشان اقولك ان دى قصة شاب عنده 24 سنة من اسرة عادية جداً حاول وجرب وتعب وبتوفيق ربنا وبفضله وكرمه ونعمته عليه وصل لإنه يقدر يقول انهاردة
    انه ماشى فى الطريق اللى كان بيحلم بيه
    وان كل مرة غمض عينه وحلم بحاجة تعب ووصلها
    انت كمان تقدر!
    وأهم من كل ده ان مفيش حد بيقدر من غير ربنا سبحانه وتعالى وان من غير كرم وتوفيق ربنا ماكنش اتكتب حرف فى البوست ده.
    ودى كانت قصتى بمناسبة اننا بقينا 1,000,000 like واكتر من 1,000,020 متابع



  2. مشاركه 2
    مشرف القسم الاسلامى
    رقم العضوية : 9170
    تاريخ التسجيل : Nov 2016
    المشاركات: 944
    التقييم: 0
    العمل : غير معروف

    افتراضي رد: قصة نجاح كريم إسماعيل

    من جد وجد و من زرع حصد و من سار على الدرب وصل
    بارك الله فيك و أحسن إليك

  3. مشاركه 3
    رقم العضوية : 9271
    تاريخ التسجيل : Nov 2017
    المشاركات: 11
    التقييم: 0
    العمل : شريك وممثل مستقل لشركة Plan B التعليمية المصرية

    افتراضي رد: قصة نجاح كريم إسماعيل

    اقتباس المشاركة الأصلية كتبت بواسطة سعيد رشيد مشاهدة المشاركة
    من جد وجد و من زرع حصد و من سار على الدرب وصل
    بارك الله فيك و أحسن إليك
    ​تسلم يا اخي ..الله يخليك :)

  4. مشاركه 4

    رقم العضوية : 2544
    تاريخ التسجيل : Sep 2009
    المشاركات: 5,080
    التقييم: 10
    الدولة : Algeria
    العمل : ربة بيت
    المزاج : الجزائر

    افتراضي رد: قصة نجاح كريم إسماعيل

    والله الموضوع مشوق ماقدرت اتصفحه من الجوال
    ساستمتع بالقراءة غدا بحول الله من الحاسوب
    يعطيك العافية على الموضوع المحفز

  5. مشاركه 5

    رقم العضوية : 2544
    تاريخ التسجيل : Sep 2009
    المشاركات: 5,080
    التقييم: 10
    الدولة : Algeria
    العمل : ربة بيت
    المزاج : الجزائر

    افتراضي رد: قصة نجاح كريم إسماعيل

    راااااااائع
    قصة ملهمة
    فيها تحدي كبير
    الله يعوض بعد التعثر الواحد يوقف على رجليه
    الله يبارك في الطعمية

    شكرا على الموضوع بالفعل مشوق بالفعل
    عقبل لمليونين لايك

  6. مشاركه 6
    رقم العضوية : 9271
    تاريخ التسجيل : Nov 2017
    المشاركات: 11
    التقييم: 0
    العمل : شريك وممثل مستقل لشركة Plan B التعليمية المصرية

    افتراضي رد: قصة نجاح كريم إسماعيل

    اقتباس المشاركة الأصلية كتبت بواسطة ينبوع مشاهدة المشاركة
    راااااااائع
    قصة ملهمة
    فيها تحدي كبير
    الله يعوض بعد التعثر الواحد يوقف على رجليه
    الله يبارك في الطعمية

    شكرا على الموضوع بالفعل مشوق بالفعل
    عقبل لمليونين لايك

    شكراً على التحفيز والإلهام ..تسلمي مرورك ^_^

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كريم لإزالة التشققات من الجسم
    بواسطة سنابل العطاء في المنتدى منتدى المرأة المسلمة
    مشاركات: 1
    آخر مشاركة: 05-24-2016, 12:12 PM
  2. انتبه و أنت تأكل الآيس كريم !!!!
    بواسطة سنابل العطاء في المنتدى نوادر وغرائب
    مشاركات: 4
    آخر مشاركة: 05-09-2012, 02:24 PM
  3. رمضان كريم
    بواسطة ينبوع في المنتدى منتدى الخيمه الرمضانية
    مشاركات: 19
    آخر مشاركة: 08-13-2011, 03:08 PM
  4. رمضان كريم
    بواسطة فاطمة الزهراء في المنتدى منتدى الخيمه الرمضانية
    مشاركات: 1
    آخر مشاركة: 08-21-2009, 02:01 AM
  5. افتراضي رسالة غزة إلي العالم في عيد الأضحى المبارك بقلم د\ ناصر إسماعيل جربوع
    بواسطة مجدى بدوى في المنتدى منتدى فلسطين في قلوبنا
    مشاركات: 2
    آخر مشاركة: 12-13-2008, 05:05 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated