إنشاء موضوع جديد
النتائج 1 إلى 2 من 2

الموضوع: مشاكل دوره الفرامل

مشاكل دوره الفرامل وازاى نقدر نحدد السبب ونعالجه 1- اهتزاز بالدركسيون عند الضغط على الفرامل السبب : وجود ريجه فى ديسكات الفرامل الاماميه الحل : بتغير

  1. مشاركه 1

    مؤسس الموقع

    رقم العضوية : 1
    تاريخ التسجيل : Aug 2008
    المشاركات: 3,905
    التقييم: 0
    الدولة : Egypt

    ss70010.gif مشاكل دوره الفرامل

    مشاكل دوره الفرامل وازاى نقدر نحدد السبب ونعالجه

    1- اهتزاز بالدركسيون عند الضغط على الفرامل
    السبب : وجود ريجه فى ديسكات الفرامل الاماميه
    الحل : بتغير التيل ومسح الديسكات فى المخرطه
    2- وجود حدفه جهة الشمال عند الضغط على الفرامل
    السبب : ضعف فى عمل الماستر اليمين أو الماستر الشمال قافش
    الحل : عمل دوره صيانه للماستر الاماميه بتغير استك لكل منهم وفك وغسيل الماستر بالمياه واعاده تركيبه واخذ الهوا
    3- وجود برجله عند الضغط على دواسه الفرامل ( بمعنى تحس ان العربية بترمى يمين وشمال ومتبرجله )
    السبب : وجود شوائب فى دوره الفرامل مأثره فى عمل الدوره
    الحل : عمل صيانه كامله للفرامل وتغيير الزيت الخاص بالدوره
    4- اى عجله اماميه بتسخن
    السبب : الماستر بتاعها قافش أو الخرطوم الواصل بيها فيه سده
    الحل : لو البستم قافش هيتغير له استك ويتنضف ويركب تانى
    البستم سليم يتغير الخرطوم بواحد جديد
    5- اى عجله خلفيه بتسخن
    السبب : البستم قافش او الخرطوم الواصل بيها فيه سده
    ولو كان لسه مغير تيل فدا عيب فى رجلشه العجل
    الحل : لو كان بستم الخلفى بتغير له استك واحيانا بيتغير كله
    ولو الخرطوم بيتغير بجديد
    ولو عيب رجلاش الرجلاش بيتوطى
    6- لو البدال بتاع الفرامل واطى ( يعنى مشواره طويل )
    السبب : وجود هوا فى دوره الفرامل
    الحل : اخذ الهوا من الدوره وخصوصا العجل الخلفى
    7- وجود صوت صفاره فى العجل عند الضغط على الفرامل خصوصا بعد المشى بفتره
    السبب : سوء حالة التيل نتيجه وجود نسبه كبيره من النحاس فيه
    الحل : تغيير التيل فى اقرب وقت بنوع انضف قبل ما يبوظ الديسكات
    8- لو العجل الخلفى مش متأثر بدوسه الفرامل ( يعنى مفيش زيت واصل له )
    السبب : وجود سده فى خط العجل الخلفى
    الحل : بيدأ بفك الماسوره اللى داخله عند المشترك وجايه من الرئيسى والضغط على الفرامل
    لو فى زيت طلع من الماسوره يبقى كدا الخط سالك لحد هنا يبقى نغير المشترك وكل الامر هيبقى تمام طيب لو فكينا الماسوره وبرضه مفيش زيت بيطلع لما بندوس فرامل
    هتلاقى قبل المشترك ع طول ماستر فرامل الضفدعه هتفك الماسوره اللى جايه من الماستر العمومى عليه وندوس فرامل لو جابت زيت يبقى المشكله فى ماستر الضفدعه محتاج يتغير
    طيب لو مفيش زيت طلع
    هنفك الماسوره بتاعت الخط الخلفى من عند الماستر العمومى من قدام ونضغط فرامل لو المخرج بتاعها من السيرفو طلع زيت لفوق بشكل جامد يبقى الماستر سليم والمشكله فى الماسوره محتاجه تتغير طيب لو ضغطنا فرامل ومفيش زيت طلع من المخرج
    يبقى كدا الماستر محتاج طقم اصلاح واحيانا مش بيكون فيه طقم اصلاح يشغل الماستر بكفاءه تانى فيستحسن يتغير
    9- احيانا لما بتاخد هوا الفرامل بتلاقى الدواسه وطيت الفرامل ساءت عن الاول
    السبب : وجود ضعف فى الماستر الرئيسى
    الحل : تغييره بواحد جديد
    10- تحس ان البدال بتاع الفرامل عالى ومش بينزل كتير ( المصطلح الدارج ليه محجر )
    السبب : وجود عيب بسيرفو الفرامل
    الحل : محتاج يتعمل له صيانه او يتغير بواحد تانى
    11- وجود تسريب بدوره الفرامل
    السبب : غالبا بيكون كاوتش الخزن الخلفيه فيه مشكله
    الحل : محتاج يتغير
    او
    وجود قطع باحد الخراطيم
    الحل محتاج يتغير

    12- لو جيت تعمل طقم اصلاح للماستر ولقيت الشميز بتاع الماستر معتب
    يبقى كدا انت بتضيع فلوسك على الارض فى طقم اصلاح واجره ميكانيكى
    الاحسن تجيب ماستر جديد

    13- ملحوظه مهمه جدااا
    فى الفرامل بالذات متغيرش اى حاجه بحاجه استعمال او استيراد لازم تكون كل قطعه هتغيرها تجيب زيها جديد
    لان
    مثلا الماستر المركون وفيه زيت فرامل بيكون الزيت قضا على طقم الكاوتش اللى راكب فى الماستر ويبقى مشوار والتانى محتاج طقم اصلاح اللى احنا غيرنا الماستر اصلا عشانه
    كذلك البساتم هتجيب زيت واحتمال تكون قافشه ومحتاجه تتنضف
    والخراطيم بتتسد ركنه الزيت فيها

    وبكدا نكون شرحنا اعطال الفرامل وصيانتها بشكل كامل


  2. مشاركه 2
    مشرف القسم الاسلامى
    رقم العضوية : 9170
    تاريخ التسجيل : Nov 2016
    المشاركات: 893
    التقييم: 0
    العمل : غير معروف

    افتراضي رد: مشاكل دوره الفرامل

    بارك الله فيك و نفع بك و جزاك الله خيرا على جهودك الطيبة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاكل التغذية للمصابين بالشلل الدماغي
    بواسطة مجدى بدوى في المنتدى منتدى رياض الاطفال
    مشاركات: 1
    آخر مشاركة: 12-08-2015, 09:59 AM
  2. مص الأصابع عند الأطفال مشاكل وحلول
    بواسطة ينبوع في المنتدى منتدى الطفل المسلم
    مشاركات: 6
    آخر مشاركة: 07-02-2011, 11:17 PM
  3. مشاكل القشرة ; قشرة فروة الرأس..
    بواسطة fulla في المنتدى منتدى الصحة العام
    مشاركات: 5
    آخر مشاركة: 01-27-2011, 07:56 PM
  4. كيف تحمي طفلك من مشاكل الصيف؟؟؟
    بواسطة مشتاقة للجنة في المنتدى منتدى الصحة العام
    مشاركات: 3
    آخر مشاركة: 07-05-2010, 12:08 PM
  5. دوره الفوتوشوب
    بواسطة مجدى بدوى في المنتدى منتدى الفوتوشوب
    مشاركات: 1
    آخر مشاركة: 12-28-2008, 06:24 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated