إنشاء موضوع جديد
النتائج 1 إلى 3 من 3

الموضوع: #العفشة_وقرفها --مشاكل_وحلول

#العفشة_وقرفها 😰 #مشاكل_وحلول 😭 أنت بتروح للراجل بتاع العفشة بتقوله يكشفلك علي العفشة كلها وبتديله مثلآ ٥٠ جنيه أو ١٠٠ جنيه 💵 أيآ كان يعني بتديله كام 😕 بس

  1. مشاركه 1

    مؤسس الموقع

    رقم العضوية : 1
    تاريخ التسجيل : Aug 2008
    المشاركات: 3,911
    التقييم: 0
    الدولة : Egypt

    الايقونات العامه #العفشة_وقرفها --مشاكل_وحلول

    #العفشة_وقرفها 😰
    #مشاكل_وحلول 😭


    أنت بتروح للراجل بتاع العفشة بتقوله يكشفلك علي العفشة كلها وبتديله مثلآ ٥٠ جنيه أو ١٠٠ جنيه 💵 أيآ كان يعني بتديله كام 😕 بس هو كمان ممكن ميقولكش علي كل حاجة موجودة عندك أو يضحك عليك بحاجة مش موجودة من الأساس 😒


    طب والحل ؟! 😓
    فضيلي نفسك ٣ دقايق 🕐 وأنا مستعد أعلمك تكشف علي العفشة كلها وتختبرها وبدون أي مقابل ووفر علي نفسك فلوسك 👍


    أول حاجة المساعدين 😤 إزاى تكشف على حالة المساعدين ؟!
    هتهز العربية من الأربع جهات (شمال قدام - شمال ورا)(يمين قدام - يمين ورا)
    عن طريق إنك تيجى فى كل نحية من اللى قولنا عليهم دول تضغط عليها بقوة لو العربية ردت بسرعة يبقى العفشة بتاعت الحتة دى تمام .. أما لو ردت ونزلت تانى فا ده دليل على إن العفشة بتاعت الحتة دى ضعيفة وهيكون حاجة من الأتنين دول (ضعف ياى) أو إن المساعد خلاص الهوا اللى فيه فضى وممكن يجيبوا زيت ودي من (أعراض تلف المساعدين).


    ولااااازم تكون دقيق ومتفوتش أى تفصيلة لأنك لو فوت حاجة جيبك هيفوت بعد كدة 😢
    ————————————————
    طب وأنا ماشى بالعربية ينفع أكشف علي العفشة ؟!
    طبعآ ينفع وده الجزء الأسهل فى الموضوع ولازم تعرف إن عيوب العفشة أصلآ مش بتظهر غير والعربية ماشية مع المطبات بتاعتنا والبلاعات .. يلا نركز مع بعض 👇


    1- ناخد كام مطب أو بلاعة (بالراحة طبعآ عشان العربية متزعلش مننا) ونلاحظ مدى تماسك العفشة والعربية ككل ودرجة إحساسك بالمطب يعنى الصدمة بتجيلك جامدة ولا بتحس إن فيه تناغم كدة والعفشة شايلة عنك ؟! ولا رايحة فى داهية وتحس بكل حاجة ؟!
    ________________
    2- أقف بالعربية وخلى الموتور داير ولف الطارة يمين وشمال لحد الاخر (لحد لما الدريكسيون يقف) لازم متسمعش صوت أى طقطقة أو تكتكة .. لازم متسمعش حاجة غير صوت إحتكاك الكاوتش ولو كانت العربية فيها باور لازم تشوف لو الدريسيكون فيه هزة ولا لأ حتى لو بسيطة وشوف لما تجيبه لحد الآخر بيرجع حبة ولا بيفضل ثابت على مكانه ؟! لأنه لو رجع من مكانه أو بيتهز فا ده دليل على حاجتين .. يا إما إن الاسكتره اللى ماسكة الدريسيكون وتوجيه العربية فيها مشكلة أو إن طلمبة الباور نفسها فيها مشكلة ..
    ————————————————
    لازم تمشى بالعربية فى طريق مستقيم وتسيب الدريكسيون وتشوف العربية هتحدف يمين أو شمال .. لو حدفت يبقى تكشف عليها وتشوف هل مشكلة زوايا ولا الشاسيه فيه مشكلة ومحتاج مرسة هوا ولا المقصات فيها مشكلة ؟!
    ————————————————
    وفيه إختبار حلو أووووي 🙌
    إنك هتجيب سرعة مش أقل من 70 ومش أكتر من 80 وهتمور العربية ولو أوتو هتجيب الفتيس على N وهتدوس فرامل لحد الآخر بس مش كلبشة يعنى وتنقل رجلك على البدال بس بسرعة وفى نفس الوقت بهدوء وهتكون سايب الدريكسيون خالص .. لو العربية حدفت يمين أو شمال حاجة بسيطة متقلقش ده طبيعى نتيجة إنك سايب الدريكسيون أما لو حدفت حدفة جامدة يبقى تروح جاى ماسك الدريكسيون بسرعة وتعدل العربية وتركن وكدة يبقي ممكن أوي يكون السيرفو فيه مشكلة ومش بيوزع ضغط الزيت مظبوط أو طنبورة متاكلة وبتودع ..
    ————————————————
    كمان وأنت ماشى شوف كدة أى U Turn تلفه بالعربية وأنت بتلف زود سنة بنزين خفيفة .. لو سمعت صوت طقطقة يبقى دى كبالن 👌
    ————————————————
    ملحوظات مهمة جدآ جدآ جدآ جدآ جدآ 👇👇


    1- العفشة لازم تتربط كل 20 ألف كيلو.
    ________________
    2- متاخدش الملفات قفش وعلى سرعة عشان تحافظ على الكبالن.
    ________________
    3- شحم العفشة دايمآ كل 20 ألف بعد التربيط.
    ________________
    4- لما تركن العربية متكسرش العجل عشان تحافظ على الكبالن.
    ________________
    5- حاول تتفادى النقر على قد ما تقدر.
    ________________
    6- خد المطبات بالراحة جدآ عشان تحافظ على الإسكاترة.
    ________________
    7- هز الدريسكيون وعينك على العجل لو من أى حركة بسيطة للدريسيكون العجل بيتحرك معاها يبقى كدة الإسكاتره تمام وإستجابتها تمام أما لو بيحصل العكس يبقى فيها سنة بوش وممكن ميكونش فيها بوش بس العلبة نفسها من جوة بدأت تروسها تتاكل من جوة ودى بتبقى أسمها حشوة علبة الدريسكيون ودى بتغيرها لما بتسمع صوت خبط مع أى أرض مش ممهدة وغربلة فى الطارة وهتحس بيها أكتر كمان بعد سرعة 80 .. أما لو الدريسكيون عندك تقيل يبقى الإسكاتره بتسرب زيت الباور وفى الحالة دى لازم الإسكاتره تتفك وتحل الجوانات والأويل سيلات اللى فيها اللى بتحجز الزيت.
    ________________
    8- دايمآ فى كل تربيطة عفشة ربط على البطاحات أهم حاجة لأننا زى ما قولنا هى اللى ماسكة المساعد وبتخليه يلف يمين وشمال.
    ________________
    9- لو بتسمع صوت طقطقة فى الملفات يبقى كبالن عمرها بينتهى.
    ________________
    10- لما تسمع صوت تزييق يبقى كدة البطاحات وزى ما قولنا قبل كدة البطاحات دى هى اللى ماسكة المساعد ولو أى إهمال فيها ممكن تلاقى المساعد نط من مكانه.
    ________________
    11- لو بتلف الدريكسيون فى ملف ومش بيرجع لوضعه الطبيعى معاك بسهولة يبقى كدة صليبة الدريكسيون عاوزة تتغير.
    ____________________________________


  2. مشاركه 2

    رقم العضوية : 2544
    تاريخ التسجيل : Sep 2009
    المشاركات: 5,075
    التقييم: 10
    الدولة : Algeria
    العمل : ربة بيت
    المزاج : الجزائر

    افتراضي رد: #العفشة_وقرفها --مشاكل_وحلول

    مم العنوان ظننتك ستتكلم عن عفش البيت هههههه
    شكرا على الموضوع خفيف الظل مع انه لا يخصني

  3. مشاركه 3

    مؤسس الموقع

    رقم العضوية : 1
    تاريخ التسجيل : Aug 2008
    المشاركات: 3,911
    التقييم: 0
    الدولة : Egypt

    افتراضي رد: #العفشة_وقرفها --مشاكل_وحلول

    مرور ك اسعدنى
    جزيت من الخيراكثره
    ومن العطاء منبعه ...
    لا حرمنا البارئ واياك جناته ..

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated