إنشاء موضوع جديد
النتائج 1 إلى 3 من 3

الموضوع: خلّيك متأكد إن جواك دهب

خلّيك متأكد إن جواك دهب من حوالى ٢٠٠٠ سنة فاتت، سكان الصين وقتها قرروا يبنوا تمثال ضخم جداً مـن الدهب الخالص وزنه حوالى ٥ طن .. مفيش معلومة

  1. مشاركه 1
    رقم العضوية : 19
    تاريخ التسجيل : Aug 2008
    المشاركات: 610
    التقييم: 0
    الدولة : Egypt

    Akhbar خلّيك متأكد إن جواك دهب

    خلّيك متأكد إن جواك دهب

    من حوالى ٢٠٠٠ سنة فاتت، سكان الصين وقتها قرروا يبنوا تمثال ضخم جداً مـن الدهب الخالص وزنه حوالى ٥ طن .. مفيش معلومة مؤكدة عن سبب بنائهم للتمثال بالظبط، لكن فيه أقوال إنه كان تمثال للعبادة .. التمثال بقى من معالم الصين وقتها .. بعد كذا سنة من بناءه كان فيه قبيلة متوحشة موجودة فـي قارة آسيا إسمها (البرمود) .. القبيلة دى كانت زى التتار كده لما بيدخلوا على أى بلد بيجيبوا عاليها واطيها .. أهل الصين عرفوا إن الدور عليهم وإن ( البرمود ) كلها أيام ويدخلوا الصين ويدمروها .. ولأن كل اللى يملكوه وله قدسية عندهم هو التمثال الذهبى ده فقط لا غير، قرروا يخبوه عن عيون الجيش اللى جاى .. طب إزاى؟؟ قرروا يغطوا التمثال كله بـطبقة سميكة مـن الطين .. عملوا كده فعلاً .. (البرمود) هجموا وقتلوا أغلب السكان .. شافوا التمثال الضخم اللى متغطى طين ومحدش عبره لأنه ملوش قيمة فـي عيونهم ..

    تمر السنين وتتغير الشعوب وتتبدل على الصين ولحد بس من حوالى ١٥٠ سنة فاتت تقرر السلطات الصينية نقل التمثال لـلعاصمة بكين بإعتباره من الآثار القديمة للدولة .. وهما بينقلوه بحرص بإستخدام المعدات التقيلة أكتشفوا شرخ كبير فيـ أحد أجزائه الطينية .. بيبصوا جوة الشرخ لاحظوا إن فيه إنعكاس ضوء من جوه .. كسروا طبقة الطين وفوجئوا بتمثال كامل مـن الدهب وزنه ٥ طن ..

    التمثال النهاردة موجود فـي قلب (بكين) كـواحد من أشهر المعالم السياحية هناك ومكتوب تحته على يافطة رخامية القصة، وتحت القصة مكتوبة جملة واحدة بس (بداخل الطين كنز) ..

    نفَّض طينك عن نفسك واكتشف دهبك .. مفيش حد ربنا خلقه كده وخلاص وملوش لازمة .. قيمتك ليست في الطين الظاهر من الخارج .. قيمتك في هذا الكنز الذي لا يقدر بمال المخفي داخل إناء خزفي ليس له قيمة ..خلّيك متأكد إن جواك دهب ..


  2. مشاركه 2
    رقم العضوية : 9167
    تاريخ التسجيل : Oct 2016
    المشاركات: 15
    التقييم: 0

    افتراضي رد: خلّيك متأكد إن جواك دهب

    سبحان الله وبحمده سبحان الله العظيم

  3. مشاركه 3
    رقم العضوية : 5855
    تاريخ التسجيل : Sep 2010
    المشاركات: 142
    التقييم: 0

    افتراضي رد: خلّيك متأكد إن جواك دهب

    شكرا على الموضوع
    بارك الله لك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated