إنشاء موضوع جديد
النتائج 1 إلى 2 من 2

الموضوع: مشكلة ثبات الوزن بعد فترة من عمل النظام الغذائى

مشكلة ثبات الوزن بعد فترة من عمل النظام الغذائى ثبات الوزن بعد فترة من عمل النظام الغذائي مشكلة متكررة بتواجه أغلب الناس وبتتسمى البلاتو (Platuea). تعالوا نعرف أسبابها وازاي

  1. مشاركه 1
    رقم العضوية : 19
    تاريخ التسجيل : Aug 2008
    المشاركات: 610
    التقييم: 0
    الدولة : Egypt

    الايقونات العامه مشكلة ثبات الوزن بعد فترة من عمل النظام الغذائى

    مشكلة ثبات الوزن بعد فترة من عمل النظام الغذائى


    ثبات الوزن بعد فترة من عمل النظام الغذائي مشكلة متكررة بتواجه أغلب الناس وبتتسمى البلاتو (Platuea). تعالوا نعرف أسبابها وازاي نتغلب عليها :)


    الفكرة كلها إن في بداية الريجيم، الجسم بيقوم بإستهلاك حاجة اسمها (الجليكوجين) موجودة في أجسامنا، كمصدر "سريع" للطاقة. الجليكوجين ده بيحتاج كمية كبيرة من المياه عشان يذوب ويمد الجسم بالطاقة. عشان كده في البداية الجسم بيفقد كمية كبيرة من المياه وبيظهر في الميزان إن الوزن قل بصورة كبيرة في الفترة الأولانية.


    بعد لما الجليكوجين بيخلص، الجسم بيبدأ يحرق الدهون المتخزنة في الجسم كمصدر "بطئ" لمد الجسم بالطاقة، وفي نفس الوقت بيسترد المياه والجليكوجين اللي فقدهم في بداية الريجيم وعشان كده الشخص بيحس ان في البداية الحرق كان هايل جداً وبعدين وقف، لكن الحقيقة إن الجسم أصلاً بدأ في حرق الدهون بعد الإسبوع التاني أوالتالت.


    وأول أسباب البلاتو إن الريجيم قاسي أو أقل من ١٠٠٠ سعر للسيدات وأقل من ١٤٠٠ للرجال، لإن الجسم في البداية بيبدأ في فقد كمية من الماء والعضلات وبعدها بيتوقف كنوع من الدفاع عن نفسه. الفكرة إن الجسم بيعامل مع الريجيمات القاسية كأنها مجاعة أو خطر فيبدأ في تقليل نسبة الحرق وبيخزن أي أكل بيدخل الجسم. كمان الريجيمات القاسية تؤدي لإنخفاض نسبه السكر وإنخفاض الضغط والهيموجلوبين والأبحاث أثبتت إن الخلل في نسبة السكر والهيموجلوبين بتؤدي لإنخفاض معدلات الحرق.

    وتاني سبب بيكون غالباً بسبب قله الحركة أو النشاط العضلي أقل من ٣٠٠ دقيقة في الإسبوع والأبحاث أثبتت إن الاشخاص اللي بيتحركوا أقل من ساعة علي مدار اليوم معرضين لكسل شديد في الدورة الدموية وكسل في عضلات الجسم وخاصة عضله القلب بالإضافه لإنخفاض كفاءة جميع أجهزه الجسم، وده بيؤدي لكسل في التمثيل الغذائي والحرق.

    تالت سبب هو وجود دهون علي الكبد والأحشاء ومعروف إن الدهون دي مش زي الدهون الموجوده تحت الجلد وإنها دهون نشطة بتفرزهرمونات وأنزيمات ومواد كيميائية كتيرة ممكن تتسبب في أمراض زي السكر وإرتفاع الضغط وبعض أنواع السرطانات، الدهون دي بتسبب في عدم حرق الجلوكوز وتخزينه في صورة دهون وعشان كده بنعمل تحاليل للميتابوليزم وأهمها نسبه الانسولين ومقاومهة الجسم له للبدء في علاجها.


    والسبب الرابع يكمن في التوتر الشديد المرتبط بالريجيم القاسي والرياضة القاسية بالإضافة للتوتر الناتج من الحرمان لبعض المأكولات والخوف من الفشل ومن المعروف إن الجسم يقوم بإفراز هرمون التوتر الشهير وهو الكورتيزون واللي بيتسبب في تخزين الماء وزيادة تخزين الدهون وهدم العضلات.


    الحل إننا نفهم جسمنا ونعرف سبب المشكلة ونفهم إن حرق الدهون بيتطلب وقت طويل وإن الإستمرار في برامج العلاج يتطلب عمل تقييم شامل للصحة العامة عن طريق الكشف الطبي وعمل بعض الفحوصات والتحاليل وبناء علي النتائج يتم عمل خطة علاج تشمل التغذية والرياضة وبعض الادوية المساعدة لضبط أي خلل في الصحة والميتابوليزم.


  2. مشاركه 2

    مؤسس الموقع

    رقم العضوية : 1
    تاريخ التسجيل : Aug 2008
    المشاركات: 3,905
    التقييم: 0
    الدولة : Egypt

    افتراضي رد: مشكلة ثبات الوزن بعد فترة من عمل النظام الغذائى

    ﺟﺰﺍﻙ ﺍﻟﻠﻪ ﺑﻜﻞ ﺧﻴﺮ ﻋﻠﻰ ﻫﺬﺍ
    ﺃﺳﺄﻝ ﺍﻟﻠﻪ ﺃﻥ ﻳﺠﻌﻠﻪ ﻓﻲ ﻣﻴﺰﺍﻥ ﺣﺴﻨﺎﺗﻚ

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشكلة الطلاق واسبابه
    بواسطة مجدى بدوى في المنتدى منتدى الاسرة المسلمة
    مشاركات: 1
    آخر مشاركة: 12-13-2015, 03:09 AM
  2. الأمن الغذائي..وحجم المشكله
    بواسطة محمد عمران في المنتدى الحوار و النقاش الجاد
    مشاركات: 1
    آخر مشاركة: 12-08-2015, 08:20 AM
  3. النظام الغذائى لطفلكِ الرياضى
    بواسطة مجدى بدوى في المنتدى منتدى رياض الاطفال
    مشاركات: 1
    آخر مشاركة: 07-26-2014, 12:07 PM
  4. نصيحة الى كل حورية لم تخطب بعد او هي في فترة خطوبتها
    بواسطة fulla في المنتدى منتدى المرأة المسلمة
    مشاركات: 4
    آخر مشاركة: 10-06-2009, 05:17 PM
  5. مشكلة العنوسة
    بواسطة احمد الجزائري في المنتدى منتدى الاسرة المسلمة
    مشاركات: 2
    آخر مشاركة: 06-28-2009, 04:55 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated