قصيدة عن ابليس !


على باب سفارة كندا قابلت ابليس وفي ايده استمارة
قولتلة على فين .... قالي بص " ياهجرة يا إعارة "
ياعم زهقت كفرت ... الاقيش معاك سيجارة
انا انتهيت خلاص
لا عاد نافع وساوس ولا خناس......... ولا عاد ليا عيش بين الناس
دي عالم مجرمين ... عندكو فائض في الفساد
في كل البلاد
مش محتاجين شياطين ....ماليش عيش في البلد دي بقالي سنين
عاطل
وانتوا بتعرفوا تقلبوا الحق باطل
وبقا اسمكوا القاتل .....وتمشوا في جنازة المقتول ومفيش مشاكل
يعم دانا بقيت اوسوس بالمقلوب ....
بقيت اقول للحرامي توب .....
انت لوحدك هاتعمل كل الذنوب ........
دانا ابليس ..... اشتغل واعظ وكمسري في اتوبيس .
ياعم زمان .... منت استنى حد ينسى يسمى وهو بياكل لقمتة
دلوقتي كل اكلكم ملوث.... وبصراحة الواحد خايف على نفسه
ده مافيش ضمير اساسا..... علشان اموتة
كل واحد بمزاجة ..... خربانه زمتة
ياعم ده كل حاجة اتسرقت ... والأجيال اللي جاية من الحرامية اتظلمت
ياراجل ده من كتر مالطشت معايا
طلعت من هدومى بقول كفاية
وبرضوا مفيش فايدة .
منقول
أعوز بالله من الشيطان الرجيم