انا والشيطان


انا والشيطان دايما -------عايشين الند للند!!!
وف كل خطوة امشيها- ف شيطان ورايا يمد!!
عايز يحصلنى ---------وكمان هدومى يشد!!!
لكن موقفنيش--------- رغم انة ساق العند!!
قدامى جاب متاريس-------- افتح وهو يسد!!
وساعات يجيب تعابين----- نافس حواة الهند!!
بس انتصرت علية ------------بالالتزام والكد !!
والارتباط باللة -------دا ف كرمة صعب تعد!!!!!
برفع انا البنيان----------- وقت اما ناس بتهد!!
الخير غمرنى وفاض وحسودى جلدة يشد!!!
قالو ا الشيطان شاطر --وانا كنت فاكرة بليد!!
من يوم منا اتولدت -----------وهو فيا يكيد!!
عايزنى انسى الدين-- ويهييص ويعمل عيد!!
وانسى الصلاة والصوم ---دولا هما بالتحديد!!
يلعن ابو الشيطان---- وسواس حقير خناس!!
للشر ناصب وليمة----- وبيدعى ليها الناس!!
يضرب يلاقى معاة ---اخماس على اسداس!!
لما يغويهم ---------------يندة على الكناس
يكنس على جهنم ------اللى اتفرم ونداس!!