إنشاء موضوع جديد
صفحة 1 من 3 123 الأخيرةالأخيرة
النتائج 1 إلى 8 من 22

الموضوع: مكعبات شريف الحكيم // عجبى كمان وكمان

السلام عليكم ورحمة الله وبركاتة الاعزاء اسمحو لى ان اهديكم تلك المكعبات التى كتبتها فى فترة غيابى الماضية وسوف استكمل الكتابة بها معكم هنا مكعبات عجبى كمان وكمان هى

  1. مشاركه 1
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة
    الهوايه : القفز الحر والرماية والقراءة

    افتراضي مكعبات شريف الحكيم // عجبى كمان وكمان

    السلام عليكم ورحمة الله وبركاتة
    الاعزاء
    اسمحو لى ان اهديكم تلك المكعبات التى كتبتها فى فترة غيابى الماضية
    وسوف استكمل الكتابة بها معكم هنا
    مكعبات عجبى كمان وكمان
    هى فكرة مستوحاة من رباعيات الرائع صلاح جاهين
    ربما يأتى يوم وتكون امتداد لروائعة
    م و د تى
    شريف الحكيم


    يا ابن ادم عملت اية فى دنيتك
    الدنيا زى الشجرة تلاقيها فى سكتك
    اروى شجرتك خير تطرح محبتك
    سعتها نام ورتاح تستاهل جنتك
    عجبى
    ******
    انسان ! عارف انك مخلوق وضعيف
    موجود فى الدنيا بدون أذن او تصريح
    هتعمل اية فى دنيتك لجل بكرة تستريح
    خروجك منها اكيد بسبب ومن غير تصريح
    عجبى
    ******
    قصأيص ورق فى الهوا طيرين
    انسان وعمرة ورق فى الخريف واقعين
    لوكنت ساكن فوق القمر او نجمتين
    لابد يوم تنزل للحساب رايحين
    عجبى
    *****
    الدنيا كورة وخطوط طول وعرض
    عليها زرع ودواب وارض
    امشى عليها يا ابن ادم شمال او يمين
    فى لحظة واحدة الكل هيكون معدومين
    عجبى

    ********
    شريف الحكيم



  2. مشاركه 2
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان


    يا أبن أدم خيالك واسع وفية الجهل
    لوشفت مرة الحقيقة تموت والموت سهل
    ما بين الحقيقة والخيال خطوة
    لو شفت الحقيقة تضحك و تموت عن جهل
    عجبى
    ****
    أنسان وجانى جواب مالوش عنوان
    قلبى اترجف وشعر راسى من خوفى وقف
    فتحته لقيت حروف ومعناها كلام
    هى الدنيا كدة جواب والناس حروف بدون عنوان
    عجبى
    *****
    يا ابن ادم مش مهم أن كنت غنى ولا فقير
    او كنت نايم فوق الارض او ع الحرير
    شوف عملك زى الطير طالع لفووووووق
    واخرتها جنة او حطب وسط السعير
    عجبى
    ****
    عايز تسكن دنيا من غير لا ايجار ولا تمليك
    اعرف حجمك تلقى نفسك ساكن قصر
    وأن مرة شفت الدنيا كبيرة عليك
    أحمد ربك وأجرى بسرعة وصلى العصر
    عجبى
    ***
    شريف الحكيم

  3. مشاركه 3
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان


    الدنيا كدا زى الكتب حروف مكتوبة
    تعمل صح ينكتب .. تعمل غلط برضو ينكتب
    حط الدنيا تحت رجلك ترفعك فوق
    وان شغلت نفسك بيها تركبك وتبقا تحت
    عجبى
    ****
    ليه لما بنفرح نفتح أيدينا وننظرفوق
    ولما نحزن نضمها وننظر تحت
    خليكم زى السحاب والريح
    طاير فوق والمطر ينزل تحت
    عجبى
    ****
    أنده .. ما تنده على خبر بكره
    أهو كله شغل بنى أدمين
    بكره تلاقى اسمك مجرد خبر
    ويوم الحساب ينادو عليك للحساب يا مسكين
    عجبى
    ****
    أمشى ما تمشى وافرح وراسك فوق
    لا ليك ولا عليك خليك أنسان عادى
    خلى الدنيا تحتك وان كانت جبل عالي
    وان كان ولا بد تنزل .. أنزل بس وقت الموت
    عجبى
    ****
    شريف الحكيم

  4. مشاركه 4
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان


    افهم حكمة وأعمل بيها
    تلاقى نفسك حروف معانيها
    واخسر جولة وقول هتعلم
    واقوم وأنهض مستبشر بيها
    عجبى
    ****
    لما تمشى فى الطريق عليك بغض البصر
    اوعى ترافق صديق تمشوا تعكسوا البشر
    اوعى بكون الدين يادوب صلاه وصيام
    دا الدين كما قال النبى معاملة طيبة وسلام
    عجبى
    ****
    أياك تفتكر رمضان اكل وشرب ونوم شهر العسل
    رمضان عمل وعبادة وابتعاد عن الكسل
    اعمل و صوم رمضانك حق مثل النبى
    واياك تغرك غرور الحياة وتبقا انتا أبو الكسل
    عجبى
    ****
    انسان ! عارف ايه معنى العيد
    انك تصنع فرحة بعد القيام والصوم
    والزكاة تدفعها بفرحة فى ايد محروم
    اوعاك تبخل بيها لتكون انتا من العيد محروم
    عجبى
    ****
    شريف الحكيم

  5. مشاركه 5
    http://ruba1.com/pic/a/tmiz.gif
    رقم العضوية : 609
    تاريخ التسجيل : Jan 2009
    المشاركات: 2,122
    التقييم: 0
    الدولة : Algeria

    افتراضي رد: مكعبات شريف الحكيم // عجبى كمان وكمان

    كلمات في غايت الروعه بارك الله فيك اخي شريف ارجو ان تفيدنا اكثر

  6. مشاركه 6
    http://ruba1.com/pic/a/tmiz.gif
    رقم العضوية : 7647
    تاريخ التسجيل : Jan 2012
    المشاركات: 1,356
    التقييم: 0
    العمل : مشرفة تطوير و قائمة بعمل وكيلة مدرسة

    افتراضي رد: مكعبات شريف الحكيم // عجبى كمان وكمان



    رائع أيها الشريف الحكيم

    بارك الله فيك

    و مرحباً بعودتك لبيتك الثاني

    و إن شاء الله تكون عودة بلا غياب

    سعداء بوجودك


  7. مشاركه 7
    شخصيات هامة
    http://ruba1.com/images/rating/10.gif
    رقم العضوية : 2735
    تاريخ التسجيل : Oct 2009
    المشاركات: 1,374
    التقييم: 0
    الدولة : Jordan
    العمل : مدير مالي واداري

    افتراضي رد: مكعبات شريف الحكيم // عجبى كمان وكمان

    صح لسانك

    جميل ما قدمت

  8. مشاركه 8
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان

    الاخ الكريم احمد الجزائري
    وفى مرورك الكريم بركة
    م و د تى
    اخوك شريف الحكيم
    ***********
    لما خرجنا للحيــاة صوتنا وبكينا
    وصرخنا بعلو حسنـا للكل حوالينا
    رجعونا بطن أمنا بلاها دية دنيا
    يمكن عشان ساعتهـا بالغدر حسينا
    عجبى
    *****
    انسان يا انسان يا انسان يا انسان
    سارح لوحدك وفى دنيتك حيران
    انهض واضحك واكتب حروف اسمك
    انسان وماشى رحلتة وضحكتة عنوان
    عجبى

    *****
    انا انسان ومش باين فى صورة متلغبطة
    محتاج حد يفكنى واشوف نفسى و روحى
    اترينى تايه ومش شايف وطالعة روحى
    انسان وعايش وحدتة والكون زحاااااام
    عجبى

    ****
    أملأ كاسك واشرب فى صحتك
    وانسى همومك وأهرى فى جدتك
    ياجدع فوق دشرب الخمر حرام
    اخرتها ندم وطريق دخول للنار
    عجبى
    / شريف الحكيم /


صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. وللقلوب الواااااااان شريف الحكيم
    بواسطة شريف الحكيم في المنتدى منتدى الشعر والقصائد
    مشاركات: 9
    آخر مشاركة: 11-28-2012, 10:16 PM
  2. حديث شريف يصف حالنا الان
    بواسطة نور الدين في المنتدى المنتدى الاسلامي العام
    مشاركات: 4
    آخر مشاركة: 09-06-2012, 07:52 AM
  3. حديث شريف غفلنا عنه كثيرا
    بواسطة عاشق الاقصى في المنتدى منتدى للرسول عليه الصلاة والسلام
    مشاركات: 8
    آخر مشاركة: 06-06-2012, 08:45 PM
  4. شريف الحكيم.....على كرسي الابداع.....أين ولدي؟؟؟
    بواسطة اسامة حافظ صندوقة في المنتدى كرسي الابداع الذهبي
    مشاركات: 5
    آخر مشاركة: 01-22-2010, 02:11 AM
  5. مشاركات: 2
    آخر مشاركة: 02-26-2009, 10:04 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated