إنشاء موضوع جديد
صفحة 2 من 3 الأولىالأولى 123 الأخيرةالأخيرة
النتائج 9 إلى 16 من 22

الموضوع: مكعبات شريف الحكيم // عجبى كمان وكمان

  1. مشاركه 9
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان


    الاخت الكريمة سنابل العطاء
    بارك الله فيكى وفى كلماتك وتشجيعك لنا
    دمتى ودامت ايامك بالسعادة وطاعة الرحمن
    م و د تى
    شريف الحكيم

    ******
    العنوان سعادة
    ********

    إنسان يا إنسان ... لا يهمنى أصلك
    أن كنت غنى ولا فقير
    لابس ألف تاج او طر من الطراطير
    أزرع بذور علمك وأرويها حب من قلبك
    وأسعى فى دنيتك بمحبة ربك .. واجنى ثمارك خير
    عجبى
    *******
    الدنيا كتاب وانت اللى ماليها
    اكتب حروفك سعادة ومالكش دعوة بيها
    خليك جملة مفيدة وأسكن فيها
    السعادة كلمة حلوة .. أحفظ معانيها
    عجبى
    ******
    أكتب أسمك ورسم سطر
    انتا حروف مرصوصة فوق ع الخط
    ممكن تبقا سعيد جوه حروف وممكن تانى تكون خجول مكسوف
    ويا ويلك لو كنت حزين مليان بالخوف
    عجبى

    *******
    عارف أمتى أكون مبسوط
    ويكون الحب اللى ربطنا بشكل خيوط
    واكتب كلام سهل من غير نحو ولا تصريف
    وارسم خيوط عمرى بكفى وأبقا أبو بدم خفيف
    عجبى

    / شريف الحكيم /


  2. مشاركه 10
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان

    الاخ الكريم ابراهيم صندوقه
    مرورك يسعدنى
    كل التقدير لك
    م و د تى
    شريف الحكيم
    ******
    العنوان دنيا
    *****
    يا دنيا ورد وفل وكلها الوان
    اببض احمر اصفر اخضر ولونى بنهم تاه
    فيكى ناس بلون وناس بلونين
    ودلوقتى بقينا فى زمن ناس بعشر الوان
    عجبى


    *****
    ارسم واكتب فى القصص من شمال ويمبن
    منتا كمان قصة جوه الكتاب مكتوبة يا مسكين
    يتكون فيها البطل او خيال على الحيط
    والنهاية نفرحلك او نفرح فيك .. يا ؟
    عجبى

    ****
    أنا شفت ناس كتير وبروزها على الحيط .. بلا لازمه
    وناس تانى فى برواز الحياة موزونة ومتزنة
    شوف بقا انتا نفسك وبروازك راح تبقا مين
    يتكون برواز جوه قلوبنا .. يتكون ع الحيط
    عجبى

    *****

    تايه في زحمة دنيــتك شغلاك بمشاكلها
    تخاصمك تكره دنيتك تصالحك تحن لها
    لا في مره دام الــــهنا وتــروق وتتعكر
    ودايما تقول يا ســـــــلام ربك يعدلها
    عحبى
    / شريف الحكيم /


  3. مشاركه 11

    رقم العضوية : 2544
    تاريخ التسجيل : Sep 2009
    المشاركات: 5,062
    التقييم: 10
    الدولة : Algeria
    العمل : ربة بيت
    المزاج : الجزائر

    افتراضي رد: مكعبات شريف الحكيم // عجبى كمان وكمان

    ياسلام على كلامك أخي شريف الحكيم
    عجبني هذا المقطع أظنك جزء منها
    واسمك حاملها أو كلك فيها

    افهم حكمة وأعمل بيها
    تلاقى نفسك حروف معانيها
    واخسر جولة وقول هتعلم
    واقوم وأنهض مستبشر بيها
    عجبى

    عودة ميمونة مباركة علينا أرجو في المستقبل تعمل مدونة خاصة بك

  4. مشاركه 12
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان

    الاخت الكريمة / ينبوع
    دائما حضورك له مكانة ودلالة
    منكى نستمد الدعم لنواصل الطريق
    دمتى ودام حضورك ومرورك الكريم مثلك
    م و د تى
    / شريف الحكيم /
    *********
    عنوان اليوم / انسان دمه خفيف
    *********
    من غير لمو اخذة ولا تكليف
    عارف انك فيك الهزل والتخاريف
    طب ليه تزعل من النصف التانى
    خلى عواطفك تسبق غضبك قبل ما ترحل .يا خفيف
    عجبى
    *******
    لو مرة اخرج من هدومى
    وارمى معاها أحزان همومى
    غاوى اعبر باسلوب تحروووووووور
    ومن غير هدومى وزنى يبقا --- خفيف
    عجبى
    *******
    عارف أية معنى الضيق
    وان الخوف اللى سكنا يبقا صديق
    يجى الليل وحلمك يجرى وراه
    تبقا اكيد بتحلم وحلمك مش لقيه -- يا خفيف
    عجبى
    *******
    امسك قلمك وارسم فى وشوش البنى أدمين
    هتلاقى قصادك الف وش ومحتارين
    وشوش بريئه ووشوش جريئه
    وشوف بقا نفسك وشك راح يطلع مين -- يا خفيف
    عجبى
    / شريف الحكيم /


  5. مشاركه 13
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان


    العنوان // الرضا
    ******
    ان كنت ساكن وسط البلد او فى الريف
    عارف اللى ما بين الشتا والصيف ربيع وخريف
    وان نمت أحلم وأحلامى مجرد تخاريف
    اكل وز وبط ... أو نص رغيف
    -- راضى
    عجبى

    *****
    إن كنت صاحى ولا نايم من غير صوت
    عارف انك جوه نفسك بتصرخ بأعلى صوت
    الدنيا زى اليد علينا مضغوطة
    اكيد هنبقا عصير وبالصبر مبسوطة -- راضى
    عجبى
    *******
    أرسم نفسك ويا الموج .. بالتباشير
    وانزل واغطس وقول البحر جواه ريح
    واركب لوحك وامشى وغنى معاه
    وقول لولا الحر ما كنت رسمت البحر .. بالتباشير
    -- راضى
    عجبى
    ******
    فى مثل بيقول لا اسمع لا ارى لا اتكلم
    *
    أسمع ما تسمع مهو كلة كلام فى كلام
    لا كلام الحكام سمع ولا حتى المحكومين
    يبقا اية يكون العمل والكل رغايين
    انا هعمل زى المثل قالوه الصينين -- راضى
    عجبى
    **********
    / شريف الحكيم /


  6. مشاركه 14
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    افتراضي رد: مكعبات شريف الحكيم // عجبى كمان وكمان


    العنوان // فكر فى اخرتك
    ****

    انسان وواقف على الشط اللي جف من العـــــدم
    شايف أماني بتنطفي وبتنهـــــــــــــــــدم
    وقفت نفسى عن الكلام وانفلت مني الجــــــــــواب
    يا هل ترى أخر الحكاية ندم ولا أمل
    عجبى
    ****

    وطلعت فوق السما باصص على الملكوت
    شوفت الخلايق عدم تستنى أو بتفوت
    ولمحت فوق فى الفضا حبة كلام مكتوب
    الأولى كلمة نعم وآخرها كلمة موت
    عجبى
    *****
    في مستشفى زحام وناس زهق المرض منهم
    ودكاترة من غير قلوب القرش جننهم
    وابن بيجري بابوه على كرسي عشان تعبان
    لحقوا الاب لكن الابن مات منهم
    عجبى
    *****

    الدنيا لما بتاخدك تلهيك بحلاوتها
    وأيام شبـــــابك تعدى بكل زهوتها
    وفجأة تلاقي الحلاوة بقت مرار في مرار
    وتيجي عليـــك الحياة ومعاها قسوتها
    عحبى
    ****
    / شريف الحكيم /


  7. مشاركه 15

    رقم العضوية : 2544
    تاريخ التسجيل : Sep 2009
    المشاركات: 5,062
    التقييم: 10
    الدولة : Algeria
    العمل : ربة بيت
    المزاج : الجزائر

    افتراضي رد: مكعبات شريف الحكيم // عجبى كمان وكمان


  8. مشاركه 16
    رقم العضوية : 632
    تاريخ التسجيل : Jan 2009
    المشاركات: 87
    التقييم: 0
    الدولة : Spain
    العمل : السياحة

    2.gif رد: مكعبات شريف الحكيم // عجبى كمان وكمان


    http://share.muslmah.net/up/11/11068/01354442720.jpg
    الاخت الكريمة / ينبوع
    دائما كنت اتحدث مع نفسى عن الانبهار ونادرا ما انبهر
    فى لحظة واحدة وجدت نفسى فى غاية الانبهار من رابطك فى الاعلى
    والفضل كان لله عز وجل ولكى
    ادعو الله ان يكون النجاح والتوفيق طريقَ لكى
    خالص شكرى وتقديرى على ما قمتى به من عمل فى تلك الصوره
    م و د تى
    / شريف الحكيم /
    **************
    العنوان / تسابيح
    *******
    خليك فى الدنيا طير وسبح فى الهوا
    وا
    فرد جناحاتك للناس بالامان
    ووقت الفجر والمغرب اقراء كتابك تسابيح
    وحاول تبقا نبى او حتى تبقى مسيح
    عجبى
    ******
    سبح تسبيحك بنغم منشود

    هتلاقى الحزن يمر يفوت
    ووعاك تشكى لحد جوانحك
    واعرف ان الله موجود
    عجبى
    *****
    سبح ربك واقول انا فارس من زمان الانبياء
    وابقا عابد فى محرابك قدام عيون الاولياء
    واعزف كلامك نغم ورتل بكلام ربك
    واطلب شهادة واقول يارب قوينا
    عجبى
    *****
    انسان يا انسان خليك بين التسابيح رحال
    فارس وشايل جوه نفسك سبحتك
    و
    اعزف حروفك وسط الكلام تسابيح
    واجعل ايمانك قوى وسط العواصف والريج
    عجبى
    / شريف الحكيم /


صفحة 2 من 3 الأولىالأولى 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. وللقلوب الواااااااان شريف الحكيم
    بواسطة شريف الحكيم في المنتدى منتدى الشعر والقصائد
    مشاركات: 9
    آخر مشاركة: 11-28-2012, 10:16 PM
  2. حديث شريف يصف حالنا الان
    بواسطة نور الدين في المنتدى المنتدى الاسلامي العام
    مشاركات: 4
    آخر مشاركة: 09-06-2012, 07:52 AM
  3. حديث شريف غفلنا عنه كثيرا
    بواسطة عاشق الاقصى في المنتدى منتدى للرسول عليه الصلاة والسلام
    مشاركات: 8
    آخر مشاركة: 06-06-2012, 08:45 PM
  4. شريف الحكيم.....على كرسي الابداع.....أين ولدي؟؟؟
    بواسطة اسامة حافظ صندوقة في المنتدى كرسي الابداع الذهبي
    مشاركات: 5
    آخر مشاركة: 01-22-2010, 02:11 AM
  5. مشاركات: 2
    آخر مشاركة: 02-26-2009, 10:04 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated