إنشاء موضوع جديد
النتائج 1 إلى 8 من 8

الموضوع: الهمة ياشباب الامتحانات على الابواب

السلام عليكم ورحمة الله وبركاته ------------------------ =============

  1. مشاركه 1

    مؤسس الموقع

    رقم العضوية : 1
    تاريخ التسجيل : Aug 2008
    المشاركات: 3,839
    التقييم: 0
    الدولة : Egypt

    افتراضي الهمة ياشباب الامتحانات على الابواب

    السلام عليكم
    ورحمة الله وبركاته

    ------------------------

    =============



    الإمتحانات ع الأبواب !!!

    ياشباب الامتحانات الابواب hima.1.gif



    خلاص الوقت أزف

    إيه يا عم إنت جاي تقلب لنا بطننا ؟؟ إحنا قلقانين لوحدنا

    لا لا أنا مش جاي أقلقك أبداً .. وإنما أنا جاي أقولك لسة في فرصــــة

    فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي


    ((الكلام ده مش كلامي .. ده كلام ناس كتير طلبة وطالبات))



    إنهاردة جايين نقولك إن لسة في فرصـــــة تطلع الأول على دفعتك وتطلعي الأولى على مدرستك


    أنا؟؟


    طبعا .. بس تعالى نشوف إزاى ؟؟



    إعلمى تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق ..



    بإرادتك هتتخطي كل الحواجز والصعاب .. أهم شئ يكون عندك هدف <<<<<<<



    هدف قوي جدااا تسعى لتحقيقه ..



    إيه هدفك؟؟ :


    التميز .. لازم اتميز لأن ديني لا يقبل إلا أن أكون متميزاً .. متفوقأً .. لأنك مسلم لازم تكون الأول دايما




    إيه الكلام الكبير ده ..؟؟ أنا مش قد كدة ؟؟


    لأ .. إنت قد كدة وأكتر من كدة .. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتايج مزهلة بمعنى الكلمة ..

    لا تستبعد أبداً إنك تكون من الأوائل .. اعقلها وتوكل ..



    تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وأنتى حصلتي على أعلى التقديرات



    والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة





    **الوصفة السحرية لتنظيم الوقت**

    الصلااة على اوقاتها ..للبنت في اول الوقت
    وللشاب في المسجد ((بس تنزل تصلي وتطلع على طول))

    والله هتلاقي بركة رهيبة في الوقت .. ومن الله التوفيق
    واذا شعرت بضيق .. ألا بذكر الله تطمئن القلوب



    طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز ..



    *************

    إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى ...


    كفاااااااااية .. استنى هنا .. هو ده اللى مودينا ورااا .. الإيحائات السلبية ..
    ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية ..



    هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل الدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع ..

    ((العامل النفسي مهم جداااا ))


    **************


    ركز معايا هنا جدااااا

    حدد هدفك كويس جدا واسعى ليه

    أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة ..

    وقبل ما تحط قلم فيها .. حدد أنا هخلص انهاردة كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخصله والأفضل إنك تحدد حاجة معقولة بمعنى تحقيقها ليس بمستحيل ..


    المواد العلمية :
    1/اقرأ القواعد والنظريات وحاول تفهمها جيدا ..
    مفهمتهاش .. اقرأها تانى .. مفهمتهاش .. اقرأ مثال عليها .. حبذا لو استخدمت الورقة والقلم في كتابة المثال والنظرية ..

    2/ استخدم اكبر عدد من الحواس لتحقيق أفضل النتائج .. يعني عينيك وصوتك وإيدك في الكتابة وهكذا ..

    3/ حاول تحل ولو مسألة واحدة بس على اللى ذاكرته علشان المعلومة تثبت



    المواد الأدبية :

    1/ اقرأ المادة (الدرس/المحاضرة) كويس وحاول وانت بتقرأ تفهم ما تقرأه ليسهل فيما بعد حفظه
    2/ التكرار .. (التكرار يعلم الشطار)


    عموما في المذاكرة عامة حط في دماغك 3 حاجات اساسية

    1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك

    2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك
    3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شوية
    وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير)


    أجمد أوقات المذاكرة .. بعد الفجر .. ثبت علميا أن وقت افجر تكون خلايا المخ نشيطة جدااا


    مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل


    طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك


    انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي


    اخرج مع اصحابك آخر الأسبوع .. بس متتأخرش برة وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس ))


    اكثر من الدعاااااء واطلب من والديك ومحبينك الدعاء لك وباذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح .


    ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك


    ((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى))






  2. مشاركه 2
    شخصيات هامة
    http://ruba1.com/images/rating/10.gif
    رقم العضوية : 4539
    تاريخ التسجيل : Apr 2010
    المشاركات: 3,089
    التقييم: 0
    الدولة : Algeria
    المزاج : الجزائر

    افتراضي رد: الهمة ياشباب الامتحانات على الابواب


    شكرا أستاذي الفاضل: مجدى بدوى

    شكرا على الموضوع الذي رفع من عزيمتي

    أولا : عندي ملاحظة فيما يخص أن الطالب يبقى تركيزه مدة ساعتين أو ثلاث ساعات
    فلقد حضرت محاضرة علمية لأحد الدكاترة حيث قال فيها أن الدراسة العلمية أثبتت أن الدماغ العادية للإنسان العادي وهو في حالة الراحة يمكنها التركيز والإستيعاب لأقصى الحدود مدة 50 دقيقة ليتناقص بعدها منحنى التركيز
    وذكر بأنه ينصح بأن نريح الدماغ مدة 10 دقائق بعد ال50 دقيقة
    وذكر أن ال10 دقائق هي الوقت الكافي ليسترجع الدماغ حالة الراحة من جديد
    طبعا ليس نصيحة مني لزملائي وزميلاتي أن لا يركزوا طويلا مع الكتب بل نصيحتي لهم اذا رأوا أنهم فقدوا التركيز فلا داعي للضغط على انفسهم وليمنحوا أنفسهم راحة لمدة 10 دقائق
    لا أدري صحة ما ذكر الدكتور لكنني واثقة من أن هذا يختلف من طالب الى آخر
    والله أعلم
    ثانيا: نصيحة للزملاء والزميلات المقبلين على الإمتحانات
    إعمل على تحضير ملخص خاص بك لكل مادة قبيل الإمتحانات فهذا سيبعد عنك ضغطا كبيرا
    ولا تنسى الدعاء
    قبل المراجعة:
    ((اللهم إني أسألك فهم النبيين وحفظ المرسلين. اللهم اجعل ألستنا عامرة بذكرك وقلوبنا بخشيتك وأسرارنا بطاعتك))
    بعد المراجعة:
    (( اللهم إني أستودعك ما حفظت وما قرأت فرده علي عند حاجتي إليه إنك على ماتشاء قدير))

    وأنت في الطريق الى قاعة الإمتحان:
    (( اللهم لا سهل الا ما جعلته سهلا وإنك ان تشأ تجعل الحزن سهلا))
    وأنت في قاعة الإمتحان:
    (( اللهم اشرح لي صدري ويسر لي أمري وأحلل عقدة من لساني يفقه قولي))

    نسألكم الدعاء لنا ان يثبت الله قلوبنا حين نسأل ويذكرنا حين ننسى

    جزاكم الله كل الخير


  3. مشاركه 3
    رقم العضوية : 1297
    تاريخ التسجيل : Jun 2009
    المشاركات: 408
    التقييم: 0
    الدولة : Algeria
    العمل : طالبة
    المزاج : الجزائر

    افتراضي رد: الهمة ياشباب الامتحانات على الابواب

    السلام عليكم
    شكرا جزيلا لك
    اللهم انجحنا جميعا في الدنيا والاخرة
    لا تنسونا بدعائكم

  4. مشاركه 4
    رقم العضوية : 3891
    تاريخ التسجيل : Jan 2010
    المشاركات: 328
    التقييم: 0
    الدولة : Egypt
    العمل : طالب ثانوى وطبيب إن شاء الله

    افتراضي رد: الهمة ياشباب الامتحانات على الابواب

    جزاكم الله خيرا
    اليوم الحمد لله أنهيت إختباراتى

  5. مشاركه 5
    رقم العضوية : 6382
    تاريخ التسجيل : Apr 2011
    المشاركات: 233
    التقييم: 0

    افتراضي رد: الهمة ياشباب الامتحانات على الابواب

    ما شاء الله
    ربنا يوفق كل مجتهد ومسلم لرفعة الاسلام

  6. مشاركه 6
    شخصيات هامة
    http://ruba1.com/images/rating/10.gif
    رقم العضوية : 4531
    تاريخ التسجيل : Apr 2010
    المشاركات: 2,134
    التقييم: 0
    الدولة : الإسكندرية
    العمل : وظيفة حكومية
    المزاج : مصر

    04.gif رد: الهمة ياشباب الامتحانات على الابواب



    بارك الله فيك أخي الحبيب

    وأسأل الله الكريم رب العرش العظيم

    أن يعين كل صاحب حاجة طالما في رضاء الله

    وأن يعيننا علي طاعته ويدخلنا جنته

    وأن يوفق كل أولاد المسلمين

    لما فيه صلاح الدنيا والدين


    بوركت جهودكم الهادفة


  7. مشاركه 7
    رقم العضوية : 7885
    تاريخ التسجيل : Apr 2012
    المشاركات: 54
    التقييم: 0
    العمل : الدعوة إلى الله

    افتراضي رد: الهمة ياشباب الامتحانات على الابواب

    بارك الله فيك أخى لكن واضح إن الموضوع قديم من منتصف شهر مايو 2010م

    لكن ياحبذا لو هناك نشاط فى القسم التعليمى لأبنائنا خصوصاً هذه الأيام التى هم على استعداد للإمتحان فيها.

    أتمنى يكون هناك مواضيع خاصة بالقسم الثانوى العام

    شكرا لكم

    اختكم / التائبة

  8. مشاركه 8
    شخصيات هامة
    http://ruba1.com/images/rating/10.gif
    رقم العضوية : 4531
    تاريخ التسجيل : Apr 2010
    المشاركات: 2,134
    التقييم: 0
    الدولة : الإسكندرية
    العمل : وظيفة حكومية
    المزاج : مصر

    Shar7 رد: الهمة ياشباب الامتحانات على الابواب



    بارك الله فيكي أختنا في الله

    بفضل الله قسم التعليم في تطور دائم

    ويضاف له الجديد بإستمرار

    ولكن أنتم تعرفون بارك الله فيكم مواد الثانوية العامة بها

    مواد معقدة شيئ ما

    وإن شاء الله

    ييسر الله لنا ولكم ولكل المسلمين

    مرحباً بكم أختنا بركبنا

    وننتظر بوح قلمك إن شاء الله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. موضوع خاص عن الامتحانات
    بواسطة مجدى بدوى في المنتدى التعليم المصري
    مشاركات: 3
    آخر مشاركة: 05-14-2012, 10:18 AM
  2. كيف نعالج ضعف الهمة في طلب العلم؟
    بواسطة مشتاقة للجنة في المنتدى الفتاوي والاستفسارات الشرعية
    مشاركات: 3
    آخر مشاركة: 09-27-2010, 06:23 AM
  3. كفاكم ياشباب
    بواسطة المساهم في المنتدى منتدى الحديث الشريف
    مشاركات: 4
    آخر مشاركة: 12-13-2009, 09:33 PM
  4. لمن تفتح الابواب؟؟؟
    بواسطة اسامة حافظ صندوقة في المنتدى مقالات أ / اسامة حافظ صندوقة
    مشاركات: 2
    آخر مشاركة: 09-28-2009, 11:08 AM
  5. الهمة; طريق القمة
    بواسطة مجدى بدوى في المنتدى منتدى التنمية البشرية و تطوير الذات
    مشاركات: 2
    آخر مشاركة: 09-15-2009, 01:39 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
رضا الناس غاية لا تدرك

sitemap.all

xml  التغذية=RSS2

 

Feedage Grade B rated